Ermənistan parlamentinin vitse-spikeri Ruben Rubinyan yerli KİV-ə açıqlamasında hazırkı katolikos Ktrıç Nersisyanın ilin sonunadək postunda qalacağını real hesab etmədiyini bildirib.
Musavat.com xəbər verir ki, Rubinyanın sözlərinə görə, mövcud katolikosun taxtda qalmaq üçün faktiki olaraq heç bir şansı yoxdur: “Mən Ktrıç Nersisyanın taxtda qalmaq üçün hər hansı imkanının olduğunu düşünmürəm. Fikrimcə, o, xristianlara xas şəkildə gedəcək”, – deyə Rubinyan vurğulayıb.
Vitse-spiker katolikosun Yeni il müraciəti ilə çıxış edib-etməyəcəyi ilə bağlı sualı da cavabsız qoyub. Onun sözlərinə görə, hazırda bu vəzifə faktiki olaraq boş sayılır: “Bu post indiki vəziyyətdə de-fakto vakantdır”, – deyə Rubinyan qeyd edib.
Musavat.com
