Türkiyənin Kahramanmaraş şəhərində keçirilən toy mərasimi maraqlı hədiyyə ilə yadda qalıb.
Musavat.com “Qafqazinfo”ya istinadla xəbər verir ki, kabab ustası Mustafa Çabuk keçmiş şagirdi Doğan Gündeşə qızıl əvəzinə 100 cücə hədiyyə edib.
Onikişubat rayonunda kababxana sahibi Doğan Gündeş və gözəllik mütəxəssisi Rabia Parlak Gündeşin toyunda təqdim olunan bu qeyri-adi hədiyyə qonaqların böyük marağına səbəb olub.
Toy mərasimində çıxış edən Mustafa Çabuk gənc cütlüyə cücələri böyütməyi və gələcəkdə onları sərmayəyə çevirməyi tövsiyə edib. O, bu hədiyyənin yeni ailə üçün bir növ başlanğıc kapitalı olacağını bildirib.
Mərasimdə diqqət çəkən yeganə məqam isə bu olmayıb. Bəyin dostları da hazırladıqları şou proqramı çərçivəsində toy zalına kranın köməyi ilə daxil olaraq qonaqları təəccübləndiriblər.
