Ermənistanda "Ermənistan" blokunun parlament mandatlarının bölgüsü zamanı sabiq prezident Robert Köçəryanın deputat mandatını kimin əvəz edəcəyi məlum olub.
Musavat.com xəbər verir ki, bu barədə blokun deputatı Aqnessa Hamoyan Sputnik Armenia-ya açıqlamasında bildirib.
Onun sözlərinə görə, 9-cu çağırış Milli Məclisdə "Ermənistan" bloku 12 mandat əldə edib.
Mandatlar, Robert Köçəryan istisna olmaqla seçki siyahısındakı ardıcıllığa uyğun bölüşdürüləcək. Bu səbəbdən deputat mandatı siyahıda 13-cü yerdə olan, hazırda İrəvan Ağsaqqallar Şurasının üzvü olan Mesrop Manukyana veriləcək.
Musavat.com
