İrəvanda ev dustaqlığında olan rusiyalı iş adamı, "Taşir" Şirkətlər Qrupunun prezidenti Samvel Karapetyan yeni təsis etdiyi “Güclü Ermənistan” partiyası tərəfindən Ermənistanın baş naziri vəzifəsinə namizəd göstərilib.
Musavat.com xəbər verir ki, bu, partiyanın fevralın 12-də keçirilən qurultayında elan edilib.
Karapetyanın rəhbərlik etdiyi “Bizim Yol” ictimai hərəkatının üzvü Narek Karapetyan bildirib ki, "Ermənistanın Baş naziri vəzifəsinə namizədimiz Samvel Karapetyandır".
Qeyd edək ki, ötən çərşənbə günü Karapetyan yekdilliklə “Güclü Ermənistan” partiyasının sədri seçilib.
Xatırladaq ki, Ermənistanda növbəti parlament seçkiləri iyunun 7-də keçiriləcək.
Musavat.com
