Musavat.com xəbər verir ki, NATO-nun Dəniz Qüvvələrində yüksək vəzifəli nümayəndə Arlo Abrahamsen açıqlayıb ki, Ukrayna bir neçə NATO ölkəsinə dənizdə tətbiq olunan pilotsuz aparatlarla bağlı təlim və məsləhətlər verib.
Onun sözlərinə görə, ukraynalı mütəxəssislər ötən ilin sentyabrında Portuqaliyada keçirilən Dynamic Messenger təlimləri zamanı 25-dən çox ölkədən gələn hərbi heyətlə işləyib. Təlimdə ABŞ da daxil olmaqla geniş iştirakçı qrupu yer alıb.
“Ukraynalılar dəniz və suüstü dronların istifadəsi barədə müttəfiqlərə praktiki təcrübə ötürdülər. Bu, NATO-nun Ukrayna ilə əməkdaşlığının real nümunəsidir. Ukraynanın döyüş şəraitində topladığı təcrübə alyansı daha güclü edir”, – Abrahamsen bildirib.
Musavat.com
