Bakıda keçirilən dəbdəbəli toy mərasimi sosial şəbəkələrdə geniş müzakirələrə səbəb olub.
Musavat.com xəbər verir ki, paytaxtda baş tutan möhtəşəm məclisdən yayılan görüntülər qısa müddətdə sosial mediada yayılıb və istifadəçilərin diqqətini cəlb edib.
Gecənin ən çox danışılan məqamlarından biri isə məşhur sənətçilərin çıxışları olub. Belə ki, toy mərasimində Azərbaycanın Xalq artistləri Röya Ayxan və Zülfiyyə Xanbabayeva səhnəyə çıxaraq sevilən mahnılarını səsləndiriblər. Məclisdə həmçinin Rusiyanın tanınmış estrada ulduzu Vera Brejneva da iştirak edib.
Toyun kimə məxsus olduğu və məclisə daha hansı tanınmış simaların qatıldığı barədə hələlik məlumat verilməsə də, tanınmış ailənin övladlarının məclisi olduğu iddia olunub.
Könül
Musavat.com
