Musavat.com xəbər verir ki, Google istifadəçilərə Gmail elektron poçt ünvanını dəyişmək imkanı verən yeni funksiyanı istifadəyə verib.
Yeniliyə əsasən, ünvanı ildə yalnız bir dəfə dəyişmək mümkündür və yeni ünvan mütləq @gmail.com domenində olmalıdır.
Maraqlı məqam ondan ibarətdir ki, istifadəçi istənilən vaxt köhnə ünvanına geri qayıda biləcək. Hazırda funksiya bütün istifadəçilər üçün aktiv deyil və mərhələli şəkildə tətbiq olunur.
Sistemin iş prinsipi belədir: ünvan dəyişdirildikdən sonra köhnə elektron poçt əlavə ünvan, yeni isə əsas ünvan statusu alır. Bu zaman məktublar hər iki ünvana daxil olacaq, fotolar, sənədlər və digər şəxsi məlumatlar isə tam şəkildə qorunub saxlanılacaq — heç bir məlumat itkisi olmayacaq.
Musavat.com
