Yəmənin Ənsar Allah Husi hərəkatı iyulda batırdıqları Eternity C gəmisinin heyətini azad edib.
Musavat.com xəbər verir ki, məlumatı Husilərə məxsus Al Masirah televiziya kanalı yayıb.Yunanıstanın Cosmoship Management şirkəti tərəfindən idarə olunan Eternity C toplu gəmisi iyulun əvvəlində Qırmızı dənizdə Yəmənli üsyançılar tərəfindən hücuma məruz qalıb. Hücumdan sonra heyət üzvlərinin bir hissəsi Husilərin nəzarətində olan ərazidə saxlanılıb. Al Masirah-ın məlumatına görə, azad edilən heyət üzvləri Sənadan Maskata aparılıb. Kanal qeyd edir ki, dənizçilər Omanın paytaxtında lazımi tibbi yardım alırlar.
İyulun əvvəlində husilər Yəmən sahillərində iki ticarət gəmisini batırıblar. İyulun 6-da Yunanıstanın Stem Shipping şirkəti tərəfindən idarə olunan Magic Seas toplu gəmisinə hücum edilib. Onun 22 nəfərlik heyəti BƏƏ-nin Safeen Prism gəmisi tərəfindən götürülüb. Növbəti gün üsyançılar göyərtəsində üç təhlükəsizlik işçisi də daxil olmaqla 25 nəfərin olduğu Eternity C gəmisinə hücum ediblər. Heyət 21 filippinli və bir rusdan ibarət idi. Reuters-in məlumatına görə, başa çatan özəl axtarış-xilasetmə əməliyyatı zamanı dənizdə 10 nəfər tapılıb. Qalanları Husilər Sənaya aparmışdılar.
Musavat.com
