Səudiyyə Ərəbistanının İnvestisiya naziri Xalid bin Əbdüləziz əl-Falih Ər-Riyad və Vaşinqton arasında imzalanan müqavilələrin 557 milyard dollara çatdığını açıqlayıb.
Musavat.com xəbər verir ki, Səudiyyə Ərəbistanının Əl-İxbariyyə kanalına danışan Falih Vaşinqtonda keçirilən ABŞ-Səudiyyə Ərəbistanı İnvestisiya Forumu çərçivəsində ABŞ ilə 242 investisiya müqaviləsi imzaladıqlarını bildirib.
"Səudiyyə Ərəbistanı və ABŞ arasında tərəfdaşlığı gücləndirmək üçün müxtəlif sektorlarda çoxsaylı müqavilələr imzaladıq. Ər-Riyad və Vaşinqton arasında imzalanan müqavilələrin ümumi dəyəri 557 milyard dollara çatdı" - o deyib.
Falih ABŞ-ın Səudiyyə Ərəbistanında ən böyük xarici investor olduğunu qeyd edib və 2025-ci ilin iki ölkə arasında iqtisadi əməkdaşlığın inkişafı üçün əhəmiyyətli bir mərhələ olduğunu bildirib.
Falih qeyd edib ki, 90 ildən çox tarixi olan Səudiyyə-ABŞ münasibətləri qlobal miqyasda əhəmiyyətli təsirə malikdir.
Musavat.com
