ABŞ-nin İran istiqamətində həyata keçirdiyi hərbi əməliyyatlar ölkə daxilində ciddi siyasi və ictimai müzakirələrə səbəb olub.
Musavat.com xəbər verir ki, Reuters və Ipsos tərəfindən keçirilən son rəy sorğusuna əsasən, amerikalıların yalnız 27 faizi hücumları dəstəkləyir. Respondentlərin 43 faizi isə hərbi müdaxilənin əleyhinə olduğunu bildirib. Qalan hissə isə ya qərarsızdır, ya da konkret mövqe açıqlamayıb.
Sorğunun nəticələri siyasi mənsubiyyət baxımından daha kəskin mənzərə ortaya qoyur. Respublikaçı seçicilərin 55 faizi prezidentin siyasətinə dəstək verərək zərbələri müdafiə edir. Demokratlar arasında isə vəziyyət tam fərqlidir – cəmi 7 faiz hücumları dəstəkləyir, 74 faiz isə onları qəti şəkildə pisləyir.
Musavat.com
