İrəvanda kriminal aləmdə növbəti səs-küylü hadisə baş verib.
Musavat.com xəbər verir ki, Ermənistanın tanınmış kriminal avtoriteti Rüstəm Stepanyanın (“Kök Rüstəm”) atası aldığı ağır güllə yaralarından həyatını itirib.
Hadisə 31 dekabr axşamı baş verib. Məlumata görə, Stepanyanın atasının içində olduğu avtomobilə 11 dəfə atəş açılıb. O, ağır vəziyyətdə xəstəxanaya çatdırılsa da, həkimlərin səylərinə baxmayaraq xilas etmək mümkün olmayıb.
Qeyd edək ki, Rüstəm Stepanyan hazırda həbsdədir. O, digər kriminal avtoritet – Sergey Qriqoryanın (“Faz”) qətli ilə bağlı cinayət işi üzrə istintaq altındadır.
Baş verənlər İrəvanda kriminal qruplaşmalar arasında hesablaşmaların davam etdiyini və ilin son günlərində vəziyyətin daha da gərginləşdiyini göstərir. Hüquq-mühafizə orqanları hadisə ilə bağlı araşdırmaları davam etdirir.
Musavat.com
