Türkiyəli sənətçi, arabesk musiqisinin ustadı Ferdi Tayfurun qızı Tuğçe Tayfur boşanma ərəfəsində olduğu həyat yoldaşı Muhammet Aydın ilə birlikdə Nişantaşında görüntülənib.
Musavat.com xəbər verir ki, cütlük küçədə birlikdə gəzərkən kameralara tuş gəlib.
Kameraları görən Muhammet Aydın narahat olaraq çəkiliş edən şəxsə: “Kameranı bağla!” - deyə səslənib. Bu zaman Tuğçe Tayfur həyat yoldaşına sərt reaksiya verib.
Tuğçe Tayfurun “Kameranı niyə bağlasın? Etdiklərin üzə çıxmasın deyə?” sözlərinə Aydın “Hansı etdiklərim?” cavabını verib. Daha da əsəbiləşən Tuğçe Tayfur isə “Xəyanətlərindən danışıram!” deyərək iddia səsləndirib.
Gərgin anların yaşandığı mübahisə zamanı Tuğçe Tayfur boşanmaq qərarında qəti olduğunu vurğulayıb: “Barışmaq yoxdur. Cəhdlər var, amma mənim qərarım qətidir”.
Musavat.com
