Rusiyadan gələn turistlərin sayının artması fonunda Yaponiyanın bir sıra şəhərlərində rus dilində yazılmış lövhələr və elanlar peyda olmağa başlayıb.
Musavat.com SHOT teleqram kanalına istinadən xəbər verir ki, rusiyalı səyyahlar artıq Tokio, Toyama və digər yapon şəhərlərində ana dillərində yazılar görüblər. Yalnız göstəricilər və informasiya lövhələri deyil, həm də restoranların, mağazaların və dayanacaqların elanları tərcümə olunur. Qeyri-adi xəbərdarlıqlar arasında park edilmiş avtomobillərdən ehtiyat hissələrinin çıxarılmaması xahişi də yer alıb.
Əvvəllər Yaponiyada rusdilli yazılara yalnız ayrı-ayrı yerlərdə, əsasən də Saxalinlə bərə əlaqəsi və ticarət əlaqələrinin mövcud olduğu qonşu Hokkaydo adasında rast gəlinirdi. İndi isə onları şimal adasından çox-çox kənarlarda da tez-tez görmək mümkündür.
"Rusifikasiya"nın əsas səbəbi Rusiya turislərinin axınıdır. 2026-cı ilin ilk yarısında Yaponiyaya 104,4 min rusiyalı səfər edib ki, bu da ötən ilin eyni dövrü ilə müqayisədə 24,7% çoxdur. Əgər bu templər qorunub saxlanılarsa, artıq 2026-cı ilin yekunlarına əsasən Rusiya Yaponiyaya səfərlərin sayına görə yeni rekord müəyyən edərək ötən ilin göstəricisini (təxminən 195 min turisti) üstələyə bilər.
Musavat.com
