Moldova siyasətçiləri, jurnalistləri və politoloqları ölkənin Aİ-yə qoşularkən öz maraqlarını nəzərə alması məsələsini qaldırıblar.
Musavat.com xarici mediaya istinadla xəbər verir ki, "Logos-Press" portalının baş redaktoru Dmitri Kalak qeyd edib ki, ölkə hakimiyyəti Aİ, BVF və Dünya Bankının şərtlərini yerinə yetirməyə o qədər diqqət yetirir ki, Moldovanın daxili strukturlarını və ehtiyatlarını unudublar.
Bu arada, Brüssel Ukrayna və Moldova da daxil olmaqla bir sıra digər ölkələrin yeni üzvləri qəbul olunmasına Macarıstanın əngəl törətməsinə qarşı yeni strategiyanı müzakirə edir.
Moldova mediasının məlumatına görə, plan təsdiqlənərsə, Aİ müraciət edən dövlətləri tamhüquqlu üzv kimi deyil, azaldılmış hüquqlarla qəbul edəcək.
Hazırda Aİ-nin 27 üzv dövləti var. Aktiv genişlənmə 2004, 2007 və 2013-cü illərdə baş verib. Xorvatiya qəbul edilən sonuncu ölkə olub. Daha sonra proses dayanıb. Lakin Ukraynada hərbi əməliyyatların başlamasından sonra namizəd ölkələr üçün qəbul danışıqları yenidən başlayıb. Bu, 2022-ci ildə Aİ namizədi statusu alan Ukrayna və Moldovaya aiddir. Üstəlik, bu iki ölkə Aİ-yə "paket şəklində", yəni birlikdə qoşulmaq qərarına gəliblər. Açıq Aİ üzvlüyü ilə bağlı danışıqlar 2024-cü ilin yayında başlayıb. Eyni zamanda, Ukrayna və Moldovanın inteqrasiyası "Aİ-nin şərq sərhədlərini gücləndirmək və Rusiyanın təsirinə qarşı bufer zonası yaratmaq yolu" kimi qəbul edilir.
"Logos-Press" portalının baş redaktoru Dmitri Kalak bu barədə belə deyib: "Bizdən seçim etməyimiz xahiş olunur, amma heç kim Moldovanın maraqlarını müzakirə etmir. Məsələn, Litva Aİ-dən zəmanət alana qədər uzun müddət İqnalina AES-i bağlamaqdan imtina etdi. Sloveniya müəyyən zəmanət alana qədər əcnəbilərə torpaq satmağa razılıq verməklə razılaşmadı. Moldovanın mövqeyi (maraqlarımızın nə olduğu, nəyi müdafiə etdiyimiz) məlum deyil və müzakirə olunmur".
Musavat.com
