Yaxın Şərqdə gərginliyin artdığı bir vaxtda Oman hökuməti ABŞ-yə açıq və sərt mesaj ünvanlayıb.
Musavat.com xəbər verir ki, Omanın xarici işlər naziri Badr Albusaidi Vaşinqtonu bölgədəki qarşıdurmaya daha dərindən cəlb olunmamağa çağırıb.
Nazir bildirib ki, aktiv və ciddi danışıqlar növbəti dəfə pozulub və bu, nə ABŞ-nin maraqlarına, nə də qlobal sülhə xidmət edir. Onun sözlərinə görə, artan hərbi ritorika və mümkün eskalasiya günahsız insanların həyatına təhlükə yaradır.
“Qayğılıyam. Aktiv və ciddi danışıqlar bir daha pozuldu. Bu, nə ABŞ-nin maraqlarına, nə də qlobal sülh işinə xidmət edir. Zərər görəcək günahsız insanlar üçün dua edirəm. ABŞ-ni bu prosesə daha da qarışmamağa çağırıram. Bu, sizin müharibəniz deyil”, – deyə Albusaidi vurğulayıb.
Musavat.com
