Vaşinqton administrasiyası hesab edir ki, Ukraynadakı münaqişənin həlli üçün yeni ABŞ planı real vəziyyəti əks etdirir.
Musavat.com xəbər verir ki, bunu Ağ Evin mətbuat katibi Karolin Levitt jurnalistlərə deyib.
Onun fikrincə, "bu plan 5 illik dağıdıcı döyüşlərdən sonra vəziyyətin reallıqlarına əsaslanaraq, hər iki tərəfin verməli olduğundan daha çox şey əldə etdiyi ən yaxşı, qarşılıqlı faydalı həll yolu tapmaq üçün hazırlanıb".
Levitt bundan müntəzəm mətbuat brifinqində ABŞ dövlət katibi Marko Rubio və ABŞ prezidentinin nümayəndəsi Stiven Vitkoffun Vaşinqtonun təklif etdiyi həll planı ilə bağlı həm Rusiya, həm də Ukrayna ilə danışıqlar apardıqlarını açıqlayıb. Ağ Evin mətbuat katibi ABŞ prezidenti Donald Trampın "bu planı dəstəklədiyini" vurğulayıb. O, bir jurnalistin sənədin yalnız Kiyevdən güzəştlər tələb etməsi iddiasını rədd edərək, müzakirələrin "bərabər əsasda" aparıldığını qeyd edib və Rubio və Vitkoffun "keçən həftə planı müzakirə etmək üçün Ukrayna nümayəndələri ilə görüşdüklərini" əlavə edib.
Musavat.com
