Avstraliya və Yeni Zelandiya NATO-nun Ukrayna üçün Resursların Alınması (PURL) proqramına qoşulub
Musavat.com xəbər verir ki, bunu NATO-nun baş katibi Mark Rutte Brüsseldə NATO xarici işlər nazirlərinin görüşündən sonra keçirilən mətbuat konfransında açıqlayıb: "Avstraliya və Yeni Zelandiya PURL proqramına qoşulan ilk NATO olmayan ölkələrdir".
O, NATO üzv dövlətlərinin üçdə ikisinin artıq PURL proqramında iştirakını etdiyini vurğulayıb. Bu proqram avqust ayından bu ilin sonuna qədər Ukraynaya ABŞ-dan 4 milyard dollardan çox silah alışı təmin edəcək.
PURL proqramı Kiyevə pulsuz və ya kredit əsaslı ABŞ silah çatdırılmasını əvəz edib. Bu proqram Avropa NATO ölkələri və Kanada tərəfindən Ukrayna üçün NATO strukturları vasitəsilə Amerika silahlarının strukturlaşdırılmış şəkildə alınmasını təmin edir. Proqram iyul ayında razılaşdırılıb və ilk alışlar bu ilin avqust ayında başlayıb.
Daha əvvəl Rutte proqram çərçivəsində gələn il Ukraynaya ayda 1 milyard dollar silah çatdırılmasını gözlədiyini bildirmişdi. Bu məbləğə Avropa ölkələrinin Kiyevə öz silah yardımı daxil deyil. Xüsusilə, Avropa Komissiyasının 2026-2027-ci illər üçün planına əsasən, bütün Aİ ölkələri Kiyevin hərbi ehtiyaclarına 115 milyard avro xərcləmək niyyətindədirlər.
Musavat.com
