Yerli mediada ABŞ-nin 75 ölkənin, o cümlədən Azərbaycan vətəndaşları üçün bütün viza növlərini dayandırdığına dair yayılan məlumatlar həqiqəti əks etdirmir.
Musavat.com xəbər verir ki, bu barədə ABŞ-nin Azərbaycandakı səfirliyinin açıqlamasında bildirilib.
“Sözügedən fasilə yalnız immiqrant vizalarına, yəni daimi yaşayış məqsədilə verilən vizalara aiddir. Turist, işgüzar səfər, tələbə və mübadilə proqramları üzrə qeyri-immiqrant viza müraciətlərinə isə heç bir məhdudiyyət tətbiq olunmur”,- deyə açıqlamada qeyd olunub.
Eyni zamanda bildirilib ki, ABŞ-nin Bakıdakı Səfirliyində qeyri-immiqrant viza müraciətlərinin qəbulu əvvəlki qaydada davam edir.
Nigar HƏSƏNLİ,
Musavat.com
