ABŞ uzun müddətdir ki, digər ölkələri qorumaq üçün öz təhlükəsizliyinə laqeydlik edib.
Musavat.com xəbər verir ki, bunu ABŞ Müdafiə naziri Pit Heqset Vaşinqtonda keçirilən 34 ölkənin hərbi liderlərinin görüşündə deyib.
O bildirib ki, hazırkı administrasiya Amerikanın müdafiəsini milli silahlı qüvvələr üçün yenidən prioritetləşdirmək niyyətindədir, çünki ABŞ uzun müddətdir ki, öz təhlükəsizliyini laqeydlik edərək digər ölkələrin təhlükəsizliyini təmin edib.
Onun sözləri Pentaqon tərəfindən yayılıb: "Bunun nəticələri həm ölkəmiz, həm də sizin ölkələriniz üçün fəlakətli olub. Fentanil, kokain və digər ölümcül narkotik maddələr sərhədimizdən keçərək milyonlarla amerikalını zəhərləyib və öldürüb. Bu silahlar və təhdidlər nəticəsində öldürülən amerikalıların sayı istənilən müharibədə amerikalıların itkilərindən qat-qat çoxdur".
Heqset qeyd edib ki, son illərdə ABŞ-a gələn qanunsuz immiqrantların sayı eksponensial olaraq artıb və bu da ölkə hakimiyyətini 2025-ci ildə Meksika ilə sərhəd təhlükəsizliyini təmin etmək üçün hərbi qüvvələr yerləşdirməyə məcbur edib.
Musavat.com
