Nizami Kino Mərkəzində baş rollarını Azər Aydəmir və Əlixan Rəcəbovun canlandırdığı “Kabab, Şərab, Hesab” filminin qala gecəsi baş tutub.
Musavat.com xəbər verir ki, tədbirdə tanınmış sənət adamları, mədəniyyət və media nümayəndələri, eləcə də ictimai xadimlər iştirak ediblər. Qonaqlar əvvəlcə qırmızı xalça üzərindən keçərək fotoqrafların obyektivinə poz veriblər, daha sonra film komandası ilə görüşüb xatirə şəkilləri çəkdiriblər.
Filmin yaradıcı heyəti – rejissor, ssenarist və prodüserlər tamaşaçıları salamlayaraq ekran işinin ərsəyə gəlmə prosesindən danışıblar. Baş rol ifaçıları Azər Aydəmir və Əlixan Rəcəbov layihənin ideyası, çəkiliş zamanı yaşanan maraqlı məqamlar və obrazları üzərində apardıqları iş barədə fikirlərini bölüşüblər. Onlar yerli kinoya marağın artmasının sevindirici hal olduğunu vurğulayıblar.
Azər Aydəmir bildirib ki, filmin büdcəsi 50 mindir və qara yumordur.
Ətraflı süjetdə:
Könül
Musavat.com
