ABŞ Milli Aeronavtika və Kosmik Tədqiqatlar Agentliyi (NASA) Artemis proqramı çərçivəsində qeyri-adi və maraq doğuran təşəbbüslə çıxış edib.
Musavat.com xəbər verir ki, agentlik hazırda istənilən şəxsin adını Ay istiqamətində uçuşa göndərmək imkanı yaradır.
NASA-nın rəsmi platformasında istifadəçilər adlarını daxil edir, 4 rəqəmli PIN-kod müəyyənləşdirir və bununla da onlara virtual “Ay uçuş talonu” təqdim olunur. Daha sonra bu adlar xüsusi mikročipə yazılaraq real kosmik missiya ilə Ay istiqamətində göndərilir.
Qeyd edək ki, təşəbbüs yalnız insanlarla məhdudlaşmır — ev heyvanlarının adları da eyni qaydada qəbul olunur və kosmosa “yollanır”.
NASA bildirir ki, bu simvolik kampaniya Artemis proqramının bir hissəsidir. Sözügedən proqramın əsas məqsədi yaxın illərdə insanların Ayda daimi mövcudluğunu təmin etmək, daha sonra isə Mars missiyalarına zəmin yaratmaqdır.
Xüsusi olaraq vurğulanır:
təşəbbüs tamamilə pulsuzdur;
adlar real kosmik uçuşla göndərilir;
iştirakçılar üçün rəqəmsal uçuş talonu təqdim olunur.
Beləliklə, adi bir qeydiyyatla hər kəs — özü və ya sevimli ev heyvanı — bəşəriyyətin Ay tarixinin bir parçasına çevrilə bilər.
Musavat.com
