Kaliforniyadakı Taho gölü yaxınlığında baş verən qar uçqunu nəticəsində on xizəkçi itkin düşüb, daha altısı isə çıxılmaz durumda qalıb.
Musavat.com xəbər verir ki, məlumatı NBC Nevada Şəhər Şerif Departamentinin mətbuat açıqlamasına istinadən yayıb.
Departamentin məlumatına görə, qar uçqunu məşhur xizək idmanı məkanı olan Taho gölünün şimal-qərbindəki Kasl Pik bölgəsindəki Truki şəhəri yaxınlığında baş verib. Daha sonra on xizəkçinin itkin düşdüyü, daha altısının isə dağlarda ilişib qaldığı və xilasetmə işlərini gözlədiyi bildirilib.
Telekanalın verdiyi məlumata görə, təxminən 46 xilasedici uçqun yerinə yola düşüb, lakin son məlumatlara görə, onlar hələ çatmayıblar.
Qeyd olunur ki, Kasl Pik ərazisinin yaxınlığında yerləşən xizək kurortu əvvəllər son 24 saat ərzində bölgədə təxminən 75 sm qar yağışı səbəbindən əlverişsiz xizək şəraiti barədə məlumat vermişdi.
Musavat.com
