Bu gün TNS TV-də “Doğru Məkan” verilişi yayımlanıb.
Musavat.com xəbər verir ki, verilişin aparıcı Tural Səfərin təqdimatında proqramın qonağı “Yeni Müsavat” Media Qrupunun rəhbəri Rauf Arifoğlu olub.
Veriliş zamanı Prezident İlham Əliyevin Slovakiyaya rəsmi səfəri, o cümlədən ABŞ-nin Ermənistandakı səfiri Kristina Kvinin Zəngəzur dəhlizi ilə bağlı verdiyi son açıqlamalar geniş müzakirə edilib.
Verilişdə vurğulanıb ki, Prezident İlham Əliyevin Slovakiyaya səfəri Azərbaycanın Avropa ilə diplomatik və iqtisadi əlaqələrini gücləndirmək niyyətinin göstəricisidir. Bu cür səfərlərin, eyni zamanda, müdafiə, iqtisadi və diplomatik əməkdaşlığı genişləndirmək baxımından strateji əhəmiyyəti olduğu qeyd edilib.
Rauf Arifoğlu proqramda Kristina Kvinin Zəngəzur dəhlizi ilə bağlı açıqlamalarına toxunub — bu çıxışların regionda geosiyasi reaksiya doğura biləcəyini vurğulayıb.
Verilişdə Zəngəzur dəhlizinin sadəcə logistika marşrutu deyil, region üçün strateji — iqtisadi və geosiyasi — layihə olduğu da qeyd edilib. Bu dəhlizin reallaşması ilə Azərbaycan-Avropa nəqliyyat-iqtisadi əlaqələrinin güclənəcəyi vurğulanıb.
Sözügedən verilişi təqdim edirik.
Musavat.com
