“Ağ Ev həkimləri səhhətimin əla vəziyyətdə olduğunu təsdiqləyiblər”.
Musavat.com xəbər verir ki, bu barədə ABŞ prezidenti Donald Tramp sosial şəbəkə hesabında yazıb.
“Onlar bildirdilər ki, mən üçüncü dəfə ardıcıl olaraq koqnitiv testi 100% nəticə ilə keçmişəm. Bunu indiyədək nə bir prezident, nə də sabiq vitse-prezident etməyə cəsarət edib”, - deyə Tramp qeyd edib.
O bildirib ki, prezident və ya vitse-prezidentliyə namizəd olan hər kəs mütləq ciddi, məzmunlu və etibarlı koqnitiv testdən keçməlidir: “Bizim böyük ölkəmizi axmaq və ya səriştəsiz insanlar idarə edə bilməz!”
Musavat.com
