Mingəçevir Şəhər İcra Hakimiyyəti (ŞİH) başçısı İlham İsmayılov bir neçə ildir boş qalan I müavin postuna təyinat aparıb.
Musavat.com xəbər verir ki, bu barədə jurnalist Esmira Hidayətova məlumat yayıb.
O bildirib ki, bu vəzifəyə şəhərdə tanınmış şəxslərdən olan Məhluqə Cavadova təyin olunub.
Xatırladaq ki, M.Cavadova bu təyinadək başçının müavini - Şəhər təsərrüfatı şöbəsinin müdiri vəzifəsində çalışıb. O, 2014-cü ildən həmin vəzifəni icra edirdi. Yeni struktur dəyişikliyi nəticəsində sözügedən vəzifə ləğv edilib.
***
İqtisadiyyat.az-ın əldə etdiyi məlumata görə, Mingəçevir və Şirvan şəhərləri icra hakimiyyəti başçılarının müavinlərinin sayı azaldılıb.
Belə ki, həmin icra hakimiyyətlərində başçının müavini vəzifəsinin sayı 4-dən 3-ə endirilib.
