Ukrayna Prezidenti Volodimir Zelenski Kupyansk istiqamətinə səfər edib.
Musavat.com xəbər verir ki, Prezident səfər zamanı cəbhədə döyüşən ukraynalı hərbçilərlə görüşərək onları əldə olunan nəticələr münasibətilə təbrik edib.
Zelenski səfərdən sonra açıqlamasında bildirib:
“Bu gün Kupyansk istiqamətindəyik. Burada Ukrayna üçün nəticələr əldə edən döyüşçülərimiz var. Ruslar Kupyansk haqqında çox danışırdılar, biz isə real mənzərəni görürük. Burada oldum və uşaqları təbrik etdim".
Qeyd edək ki, Rusiya tərəfi bundan əvvəl Kupyansk şəhərinin guya Rusiya nəzarəti altında olduğunu iddia etmişdi. Zelenskinin birbaşa şəhərə səfəri isə Kiyevin bu iddialarla razılaşmadığını və şəhər uğrunda mübarizənin davam etdiyini göstərən açıq siyasi və hərbi mesaj kimi qiymətləndirilir.
Musavat.com
