Fransa Prezidenti Emmanuel Makron Milad bayramı ərəfəsində Birləşmiş Ərəb Əmirliklərində yerləşən Əl-Dafra hava bazasına səfər edərək burada xidmət edən Fransa Silahlı Qüvvələrinin şəxsi heyəti ilə görüşüb.
Musavat.com xəbər verir ki, Makron bazada keçirilən təlim proseslərini yerində izləyib, hərbçilərlə söhbət edib və birgə şam yeməyində iştirak edib. Səfər Fransa rəhbərliyinin Yaxın Şərqdə yerləşən hərbi kontingentinə siyasi və mənəvi dəstəyinin nümayişi kimi qiymətləndirilir.
Əl-Dafra hava bazası Fransanın regiondakı əsas dayaq nöqtələrindən biri hesab olunur və Parisin Yaxın Şərq təhlükəsizlik arxitekturasında mühüm rol oynayır.
Musavat.com






