Pakistanın paytaxtı İslamabadda Qəsr-e-Xadicətül Kubra adlı şiə məscidində partlayış baş verib.
Musavat.com xəbər verir ki, şahidlərin sözlərinə görə, partlayışa əldəqayırma partlayıcı qurğu və ya intiharçı səbəb ola bilər.
Çin xəbər agentliyi "Sinxua" bildirib ki, partlayışda 10 nəfər ölüb, 80-dən çox şəxs xəsarət alıb.
Daha sonra yerli hakimiyyət orqanlarının məlumatına əsasən, ölənlərin sayı 31-ə çatıb, 169-dan çox insan isə yaralanıb.
Hadisə ilə bağlı araşdırmalar davam edir.
Musavat.com
