Rusiyada faktiki iş vaxtı həftəlik normanı — 40 saatı — aşan vətəndaşların sayı azalmaqda davam edir.
Musavat.com xəbər verir ki, rəsmi statistikaya əsasən, cari ilin üçüncü rübündə bu kateqoriyaya aid şəxslərin sayı 13 faiz azalaraq 2,48 milyon nəfərə enib.
Rosstatın məlumatlarında bildirilir ki, eyni zamanda “ekstremal əmək aludəçiliyi” halları da minimum səviyyəyə düşüb. Bu qrupa həftədə 51 saatdan çox çalışan vətəndaşlar daxildir.
Mütəxəssislər bu tendensiyanı əmək bazarında baş verən dəyişikliklər, iş vaxtının daha sərt tənzimlənməsi, eləcə də iş–həyat balansına artan diqqətlə izah edirlər. Statistik göstəricilərdəki azalma işəgötürənlərin iş rejiminə daha çevik və müasir yanaşmasının formalaşdığını göstərən mühüm siqnal kimi qiymətləndirilir.
Musavat.com
