Rusiyanın Stavropol diyarında, Novoselitskoye kəndi yaxınlığındakı "Volçyi Vorota" su anbarında yerləşən istirahət mərkəzində 80 nəfər bağırsaq infeksiyası əlamətləri ilə tibbi yardıma müraciət edib.
Bu barədə "İnterfaks" regionun hüquq-mühafizə orqanlarına istinadən məlumat yayıb.
"80 nəfər tibbi yardıma müraciət edib, onlardan 40-ı Novoselitskoye xəstəxanasına", - bildirilib.
Onun sözlərinə görə, Novoselitskoye dairəsində doqquz nəfər xəstəxanaya yerləşdirilib, onların arasında iki uşaq var.
"Hazırda dairədə xəstəxanada 5 nəfər qalır, onların arasında uşaq yoxdur", - hüquq-mühafizə orqanlarından əlavə ediblər.
Otel kompleksi sosial şəbəkələrdə bildirib ki, kəskin bağırsaq pozuntusu simptomları ilə müraciət hallarının qeydə alınması ilə əlaqədar müştərilərin qəbulunu dayandırıb.
Hadisənin səbəblərini müəyyənləşdirmək üçün sanitar-epidemioloji araşdırma aparılır.//Report
